Նորություններ

Կախասունկի օգտակար և վնասակար հատկությունները

• 24 Aug, 2020
• 3804 Դիտում (ներ)
• Սկզբնաղբյուր : 123

Բնության մեջ կախասունկը աճում է ծառերի վրա: Ունի  միակողմանի կամ կլորացված գլխիկ: Կախասունկը կարելի է ուտել, եթե այն ունի բավականին պինդ գլխիկ:

Կախասունկն ունի մոխրագույն կամ մոխրաշագանակագույն, մեծ՝ 5-20սմ շառավիղով, գլխիկ: Ոտիկը բավական պինդ է, որի պատճառով հաճախ չի օգտագործվում սնունդի մեջ: Այս սնկատեսակն աճում է փնջով: Կախասունկն աճեցնում են խոնավ և համապատասխան ջերմաստիճանի  միջավայրում:

Կախասունկի պահպանման համար ցանկալի է օգտագործել ապակե կամ էմալապատ տարրաներ: Սառնարանում պահպանելու դեպքում կախասունկը չի կարելի նախապես լվանալ կամ կտրատել:

Կախասունկի կալորիականությունը

Թարմ կախասունկը պարունակում է 38 կկալ, իսկ եթե այն պահածոյացվում է, ապա կալորիականությունն իջնում է մինչև 23 կկալ:

100 գր. կախասունկում պարունակվող սննդային արժեքը.

սպիտակուցներ — 3,3 գր.

ճարպեր — 0,4 գր.

ածխաջրեր — 4,2 գր.

մոխիր — 1 գր.

ջուր — 88,8 գր.

կալորիականություն, կկալ — 38

Կախասունկի օգտակար հատկությունները

Կախասունկը պարունակում է մարդու համար անհրաժեշտ բոլոր նյութերը՝ սպիտակուցներ, ճարպեր, ածխաջրեր, վիտամիններ և հանքային աղեր: Ունի ցածր կալորիականություն և շատ արագ հագեցնում է քաղցը: Կախասունկում սպիտակուցների քանակը հավասար է բանջարանոցային մշակաբույսերում պարունակվող սպիտակուցների քանակին, իսկ ճարպերի և ածխաջրերի քանակով՝ անգամ գերազանցում է: Վիտամինների քանակով հավասար է մսին: Կախասունկը PP վիտամինի քանակով համարվում է ամենաարժեքավորը այլ սնկատեսակների մեջ: Այս սունկի օգտագործումն օրգանիզմին տալիս է ֆերմենտներ, որը նպաստում է ճարպերի ճեղքմանը: Կախասունկը պարունակում է հանքային նյութեր՝ երկաթ, կալիում, յոդ, կալցիում և այլն: Ապացուցված է, որ կախասունկի օգտագործումն իջեցնում է արյան մեջ խոլեստերինի քանակը:

Սնունդի մեջ կախասունկն օգտագործվում է տապակված, շոգեխաշված տեսքով: Հարմար են նաև մարինացման համար: Կախասունկն ունի բակտերիացիդ հատկություն, որը նպաստում է օրգանիզմից ռադիոակտիվ տարրերի դուրս գալուն:

Կախասունկի չոր փոշին կիրառվում է բժշկության մեջ՝ որպես արյան մեջ խոլեստերինի իջեցման լավագույն միջոց: Կախասունկի օգտագործումը նաև նվազեցնում է լուսային ֆիզիոթերապիայի թողած բացասական հետևանքները, մեծացնում է   ճառագայթման նկատմամբ օրգանիզմի դիմադրողականությունը:

Կախասունկի բացասական հատկությունները

Կախասունկը պատրաստելուց առաջ անպայման անհրաժեշտ է այն ջերմային մշակման ենթարկել:

Կախասունկը պարունակում է խիտին, ինչը դժվարությամբ է մարսվում, հետևաբար այն անհրաժեշտ է մանր կտրատել և եփել բարձր ջերմաստիճանի տակ:

Բացասական կողմից է նրա փխրունությունը, ինչը դժվարեցնում է տեղափոխությունը:

Կախասունկի բացասական կողմն այն է, որ ոստրերը կարող են թափանցել թոքեր և ալերգիա առաջացնել: