7 ամենաարդյունավետ բնական պրոտեինային կոկտեյլները՝ Ֆիտնեսի սիրահարների համար

• 24 Aug, 2020
• 1092 Դիտում (ներ)
• Սկզբնաղբյուր : 123

Եթե դու այցելում ես մարզասրահ և հետևում ես կազմվածքին, ապա այս նյութը հենց քեզ համար է: Քանզի այսօր ներկայացնելու ենք բաղադրատոմսեր, որոնք ոչ միայն հարուստ են սպիտակուցներով, այլ նաև նպաստում են դրանց արագ յուրացմանը մկանների կողմից:

Գաղտնիք չէ, որ սպիտակուցները հանդիսանում են մկանների հիմնական սնուցման աղբյուրը: Եվ որպեսզի դրանք “կառուցվեն ճշգրիտ նախագծով”, այլ ոչ արհեստականորեն ուռչեն, պետք է, որ դրանք լինեն բնական: Մեր ամենօրյա սննդակարգում շատ են մթերքները, որոնք հարուստ են սպիտակուցներով: Բայց այսօր կառանձնացնենք մի քանի համադրություններ, որոնք և՛ հարուստ են սպիտակուցներով, և՛ արագ են յուրացվում մկանների կողմից:

Կոկտեյլ 1.

• կաթնաշոռ՝ 200 գր
• կաթ՝ 600 մլ
• բանան՝ 2 հատ
• ընկույզ՝ 50 գր
• մեղր՝ 2 թեյի գդալ

(նշված բաղադրիչները 2 բաժնի համար են)

Լավ հարել՝ ստանալով միասեռ զանգված: Խմել սնվելու միջև ընկած ժամանակահատվածում:

Կոկտեյլ 2.

• կաթ՝ 250 մլ
• բանան՝ կես հատ
• վարսակի փոշի՝ 2 ճշ. գդալ
• դարչին

Ցանկության դեպքում կարող եք նաև ավելացնել յոգուրտ, պաղպաղակ կամ կեֆիր:

Կոկտեյլ 3.

• կեֆիր՝ 500 մլ
• կաթնաշոռ՝ 250 գր
• կակաո՝ 5 թեյի գդալ
• ջուր՝ 10 մլ
• շաքարի փոխարինիչ

Կակաոն և շաքարի փոխարինիչը բացել ջրով և եռացնել 1 րոպե՝ անդադար խառնելով: Այնուհետև ավելացնել կաթնաշոռով և կեֆիրով խառնուրդը և լավ հարել բլենդերով:

Խմել սառը վիճակում:

Կոկտեյլ 4.

• կաթ՝ 250 մլ
• ձու՝ 1 հատ
• շաքարավազ՝ 1 թեյի գդալ

Եթե կոկտեյլը ցանկանում եք դարձնել ավելի օգտակար՝ ավելացրեք նաև ընկույզ և լավ հարեք:

Կոկտեյլ 5.

• կաթնաշոռ՝ 200 գր
• հյութ՝ 100 մլ
• կեֆիր (100 մլ)
• խուրմա (կարելի է նաև բանան)

Բաղադրիչները միասին լավ հարել և վայելել:

Կոկտեյլ 6.

• բալի հյութ (100 մլ)
• կաթնաշոռ (100 գ)
• ձվի սպիտակուց
• քաղցրացնել ըստ ճաշակի

Կոկտեյլը պատրաստելիս ցանկալի է օգտագործել բնական հյութ:

Կոկտեյլ 7.

• եռացրած կաթ (1 բաժակ)
• կաթնաշոռ (250 գ)
• վարսակի թեփ (1 ճ/գ)
• կտավատի յուղ (1 ճ/գ)

Սպիտակուցային կոկտեյլների բաղադրատոմսեր շատ կան: Պատրաստե′ք մեր կողմից առաջարկված տարբերակները և հորինե′ք Ձեր բաղադրատոմսերը: