Նորություններ

Ինչի՞ կհանգեցնի կալցիումի պակասը օրգանիզմում

• 24 Aug, 2020
• 1074 Դիտում (ներ)
• Սկզբնաղբյուր : 123

Գիտնականները հաշվարկել են, որ կալցիումի անբավարարությունը հանդիսանում է մոտ 150 հիվանդությունների պատճառ, այդ թվում՝ շաքարային դիաբետ, արթրիտ, առիթմիա, ոսկորների փխրունություն, աթերոսկլերոզ, դեպրեսիա եւ դե իհարկե օստեոպորոզ: Օստեոպորոզի մասով ամեն ինչ պարզ է, քանզի մարդու կմախքը 2/3-ով բաղկացած է կալցիումից, իսկ դա  կմախքի ամենատարածված մետաբոլիկ հիվանդություններից մեկն է: Իսկ ահա սրտի եւ այլ օրգանների մասով կդիտարկենք որոշակի մասնագիտական բացատրություններ:

Պարզվում է, որ առանց կալցիումի մկանները չեն կարող կծկվել, իսկ սիրտն աշխատել բնականոն ռիթմով: Բանը նրանում է, որ երբ սիրտն անբավարար կալցիում է ստանում, արյունատար համակարգը պակասը լրացնում է սնուցվելով ոսկրերի հյուսվածքից: Բացի այն, որ դա հյուծում է ոսկորները, նաև մեծացնում է երիկամներում քար հայտնվելու հավանականությունը:

ԲԺԻՇԿՆԵՐԸ ԶԳՈՒՇԱՑՆՈՒՄ ԵՆ — կանխարգելեք կալցիումի դեֆիցիտը, հետևեք օրգանիզմի նախանշաններին՝անքնություն, նեւրոզ, դյուրագրգռություն, հիշողության կորուստ եւ արյան բարձր ճնշում:

Կալցիումի անհրաժեշտ մակարդակը պահելու լավագույն աղբյուրը հանդիսանում է կաթն ու առհասարակ կաթնամթերքը: Հատկանշական է, որ տարիքի հետ մենք սկսում ենք ավելի քիչ կլանել կաթի մեջ պարունակվող կալցիումը: Օրինակ երեխան կլանում է դրա 52%-ը, իսկ մեծերը՝ 13-15%-ը, այդ պատճառով էլ խորհուրդ է տրվում սննդակարգում ներառել նաև կաթնաշոռ, պանիր և ցածր յուղայնությամբ յոգուրտներ:

Բավական շատ կալցիում կա նաև կանաչ տերևներով բանջարեղենների մեջ՝ բռոկոլի, ծաղկակաղամբ, նեխուր, մաղադանոս և այլն: Հարկ է նաև նշել, որ կալցիումի յուրացման համար շատ կարևոր է վիտամին D, որի անփոխարինելի աղբյուրը արևի ճառագայթներն են ու ֆիզիկական ծանրաբեռնվածությունը: Դրա համար էլ խրախուսվում է մաքուր օդին զբոսանքը, առավոտյան նախավարժանքն ու սպորտով զբաղվելը:

Օրգանիզմի համար անհրաժեշտ կալցիումի օրական նորման ըստ տարբեր տարիքի.

100 գր. կաթը պարունակում է 125 մգ կալցիում, 9% յուղայնությանբ կաթնաշոռը՝ 164 մգ:

Կալցիումն ունի նաև այսպես կոչված իր թշնամիները, այդ իսկ պատճառով դեֆիցիտի պատճառներն ուսումնասիրելիս ուշադրություն դարձրեք նաև ճիշտ սննդակարգին: Այսպես օրինակ.

Կոֆեյին — արգելափակում է Դ վիտամինի սնուցումը,

Սպանախ — պարունակում է թթուներ, որոնք փոխազդում են կալցիումի հետ, ձեւավորում են չլուծվող աղեր եւ խոչընդոտում են հանքային նյութերի կլանումը,

— Նատրիումի աղ — նատրիումը չի ‘հանդուրժում’ կալցիումին եւ ձգտում է ազատվել դրանից ամեն գնով,

— Խոլեստերինի — նրա առկայությամբ ոսկրային զանգվածի կորուստն ավելի արագ է տեղի ունենում,

— Նստակյաց ապրելակերպը  — հանգեցնում է կալցիումի նյութափոխանակության խախտման